Пентагон упершыню не выключыў, што можа паставіць Украіне сучасныя знішчальнікі
Каардынатар Рады нацыянальнай бяспекі ЗША па стратэгічных камунікацыях Джон Кірбі заявіў, што Пентагон пачаў папярэднюю ацэнку магчымасці перадачы Украіне сучасных знішчальнікаў. Пра гэта Кірбі паведаміў у пятніцу на закрытым брыфінгу для СМІ.
Паводле слоў чыноўніка, Міністэрства абароны ЗША робіць «пэўную папярэднюю ацэнку мэтазгоднасці патэнцыйнай перадачы Украіне знішчальнікаў». У той жа час прадстаўнік Белага дома зазначыў, што гэта не адбудзецца хутка з улікам таго, наколькі складаныя гэтыя самалёты ў кіраванні.
«Інтэграванне і кіраванне любым самалётам, асабліва ўдасканаленым знішчальнікам — складаная рэч», — дадаў Кірбі.
Каментуючы пытанне тэрмінаў перадачы Украіне сучасных знішчальнікаў, ён падкрэсліў, што гаворка ідзе толькі пра папярэднюю ацэнкк і «гэта не тое, што адбудзецца ў найбліжэйшы час».
Да гэтага ЗША катэгарычна адпрэчвалі ўсялякую магчымасць перадачы Украіне заходніх самалётаў, замест гэтага засяроджваючыся на пошуках па ўсім свеце рэшткаў савецкай авіяцыі.
Раней стала вядома, што Злучаныя Штаты і саюзнікі пачынаюць вывучаць магчымасць навучання ўкраінскіх пілотаў у рамках доўгатэрміновых намаганняў, каб патэнцыйна дапамагчы Кіеву стварыць абноўленыя Ваенна-паветраныя сілы.
Пра гэта стала вядома праз некалькі дзён пасля таго, як заканадаўцы ў Палаце прадстаўнікоў падтрымалі рашэнне, якое, калі яно пераадолее іншыя перашкоды, дазволіць выдзеліць 100 мільёнаў даляраў на навучанне ўкраінскіх пілотаў і тэхнікаў баявых самалётаў ЗША.
Цяпер чытаюць
«Набірала ваду з унітазнага бачка для гатавання, мыцця». Ганна Бонд шчыра распавяла пра цяжкае дзяцінства6
Каментары