У сераду, 7 верасня, карпарацыя Apple правяла традыцыйную восеньскую прэзентацыю сваіх новых прадуктаў. Office Life звярнуўся да афіцыйнага рэсэлера прадукцыі Apple у Беларусі i-store.by і спытаў, ці чакаць беларускім карыстальнікам iPhone 14, новыя Apple Watch і Airpods Pro 2.
У краме нам сказалі, што новыя мадэлі гаджэтаў ад Apple у Беларусі не чакаюцца. Цяпер у i-store.by засталіся толькі 13-я айфоны ў двух колерах з гарантыяй 12 месяцаў.
У Расіі кіраўнік Мінпрамгандлю Дзяніс Мантураў ужо заявіў, што новыя iPhone могуць пастаўляцца на рынак па паралельным імпарце. «Калі спажыўцы захочуць набыць гэтыя тэлефоны — калі ласка. Такая магчымасць будзе», — сказаў ён.
У i-store.by на гэты конт лаканічна заўважылі, што «ніяк не звязаныя з Расіяй, і паставак няма і не прадбачыцца».
Сотавыя аператары Беларусі таксама пакуль не прапаноўваюць навінкі ад Apple.
Каментары