З 28 кастрычніка з Масквы ў Мінск будзе лётаць лаўкостар «Победа»
З Масквы ў Мінск будзе лётаць расійскі лаўкостар «Победа», паведамілі ў авіякампаніі. Продаж квіткоў ужо стартаваў на афіцыйным сайце. У адзін бок палёт будзе каштаваць ад 82 беларускіх рублёў, калі ляцець без багажу.
«Палёты па гэтым маршруце пачнуцца 28 кастрычніка 2022 года і будуць выконвацца з маскоўскага аэрапорта «Унукава» штодня», — адзначылі ў паведамленні.
«Победа», пачынаючы з 9 чэрвеня, ужо лётае ў Мінск з Санкт-Пецярбурга, рэйсы робяцца тройчы ў тыдзень. Увогуле ж, беларуская сталіца — гэта на сённяшні дзень адзіны міжнародны кірунак лаўкостара.
Таксама адразу два рэйсы з 26 кастрычніка запускае расійская авіякампанія «Уральскія авіялініі». Дабрацца без перасадак з Мінска можна будзе ў Екацярынбург і Перм. Палёты запланаваныя двойчы на тыдзень, па серадах і нядзелях, паведамілі ў авіякампаніі.
Каментары