Як працуе ўказ Лукашэнкі аб узаконьванні ў спрошчаным парадку пабудоў, узведзеных без дазволу
У Беларусі ўжо тры месяцы працуе ўказ Лукашэнкі «Аб спрошчаным парадку прыёмкі ў эксплуатацыю аб'ектаў будаўніцтва», па якім можна ўзаконіць пабудову, узведзеную без дазволу і без праектнай дакументацыі. Аб практычных нюансах гэтага працэсу расказаў начальнік упраўлення архітэктуры і будаўніцтва Мінскага райвыканкама Раман Вараўка ў інтэрв'ю сайту Prystalica.by.
«Мінскі райвыканкам можа прымаць у эксплуатацыю будынкі на зямельных надзелах, выдадзеных да 1 верасня 2022 года», — расказаў Раман Вараўка. У ягоным Мінскім раёне такіх будынкаў было 535, да цяперашняга часу ўжо ўзаконілі 233.
Вараўка адзначыў, што ўласнікам трэба здаваць усе дакументы не ў «адно акно», а ва ўпраўленне архітэктуры і будаўніцтва выканкама. Працэдура павінна быць праведзена на працягу месяца. Сам указ носіць часовы характар і дзейнічае да 1 студзеня 2025 года.
Акрамя заявы, уладальнікі павінны падаць дакументы, якія пацвярджаюць права карыстання зямельным участкам і ведамасць тэхнічных характарыстык на капітальныя пабудовы. У самой заяве трэба засведчыць згоду паўналетніх грамадзян, якія маюць права валодання і карыстання гэтым будынкам.
Чыноўнік звярнуў увагу, што пабудова павінна размяшчацца на адпаведнай адлегласці ад мяжы суседскага ўчастка. Калі ёсць адхіленні па адлегласці паміж суседзямі, давядзецца прынесці натарыяльна завераную згоду іншага землекарыстальніка.
Акрамя таго, ва ўказе дакладна агаворана, што будынак павінен адносіцца да 5-га класа складанасці. Гэта азначае, што гаспадарчая пабудова мусіць быць аднапавярховай.
Цяпер чытаюць
«Размаўляў увесь час па-беларуску». Павел Севярынец запісаў свой першы зварот пасля вызвалення13
«Размаўляў увесь час па-беларуску». Павел Севярынец запісаў свой першы зварот пасля вызвалення
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher22
Каментары