Прэс-служба Беларускай чыгункі паведаміла, што з 28 снежня 2022 года па 9 студзеня 2023 года будуць прызначаныя 14 дадатковых цягнікоў унутры краіны і яшчэ 12 — у зносінах з Расіяй.
У святочныя і перадсвяточныя дні дадатковыя цягнікі ў зносінах з Расіяй будуць рухацца па найбольш запатрабаваных у пасажыраў маршрутах: Мінск — Масква, Брэст — Масква, Мінск — Санкт-Пецярбург. Яны будуць хадзіць па асобных днях з 28 снежня па 9 студзеня.
У зносінах унутры краіны дадатковыя цягнікі прызначаныя па наступных напрамках: Мінск — Брэст — Мінск, Мінск — Гомель — Мінск і Мінск — Віцебск — Мінск. Яны будуць курсіраваць 30 снежня 2022 года і 2 студзеня 2023 года.
Каментары