Валерыі Касцюговай і Таццяне Кузінай прысудзілі па 10 гадоў калоніі
Мінскі гарадскі суд 17 сакавіка агучыў вердыкт у справе палітзняволеных Валерыі Касцюговай і Таццяны Кузінай. Як і прапаноўваў раней бок абвінавачання, менеджарак асудзілі на 10 гадоў калоніі кожную.
Крыху больш за месяц спатрэбілася дасведчанай у палітычных працэсах суддзі Дзіне Кучук, каб агучыць прысуд па рэзананснай справе. 6 сакавіка прадстаўнік пракуратуры папрасіў пакараць фігурантак 10 гадамі зняволення, на што сёння ў суддзі не знайшлося аніякіх пярэчанняў.
Абвінавачваным дадзены час на магчымасць аспрэчвання суровага прысуду, хоць, як паказвае практыка «правасуддзя па-беларуску», усе апеляцыі палітвязняў застаюцца без задавальнення або атрымліваюць мінімальныя карэктывы.
Журналістка Валерыя Касцюгова і менеджарка публічнага адміністравання Таццяна Кузіна ўжо больш за паўтара года правялі ў СІЗА №1 Мінска на падставе выстаўленых ім абвінавачанняў па трох крымінальных артыкулах за «злачынствы супраць дзяржаўнага ладу».
Да разгляду аб’яднанай справы Мінскі гарадскі суд прыступіў толькі 6 лютага 2023 года. Прычына надзвычайнай маруднасці на этапе следства традыцыйна не называецца.
Валерыю Касцюгову затрымалі ў Мінску разам з мужам-аналітыкам і бацькам-інвалідам 30 чэрвеня 2021 года супрацоўнікі Камітэта дзяржбяспекі. У кватэры правялі ператрус, забралі носьбіты інфармацыі.
Мужчын пасля допыту адпусцілі, а журналістку змясцілі ў ізалятар на Акрэсціна. Пазней яе перавялі ў сталічны СІЗА №1, дзе яна стала падазраванай па наступных крымінальных артыкулах:
— арт. 357, ч. 1 (змова ці іншыя дзеянні, учыненыя з мэтай захопу дзяржаўнай улады);
— арт. 361-1, ч. 3 (заклікі да дзеянняў абмежавальнага характару, накіраваныя на прычыненне шкоды нацыянальнай бяспецы);
— арт. 130, ч. 3 (распальванне расавай, нацыянальнай, рэлігійнай або іншай сацыяльнай варожасці).
Таццяну Кузіну сілавікі затрымалі на суткі раней, у ноч на 29 чэрвеня, у мінскім аэрапорце, калі тая збіралася вылецець у Грузію. Яна сузаснавальніца школы маладых менеджараў публічнага адміністравання Sympa, экспертка даследчага праекта Bipart. Абвінавачанні супраць яе ідэнтычныя тым, што і ў Валерыі Касцюговай.
Абедзвюх экспертак праваабарончая супольнасць прызнала палітычнымі зняволенымі і патрабуе спыніць іх пераслед за грамадзянскую пазіцыю.
Дык усё ж ці бяспечны Telegram і для якіх мэтаў бяспечны? Вось што ясна на сёння11
Дык усё ж ці бяспечны Telegram і для якіх мэтаў бяспечны? Вось што ясна на сёння
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга219219
Каментары