Украіна атакавала марскімі беспілотнікамі расійскі карабель «Прыазоўе» — Мінабароны РФ
Міністэрства абароны Расіі заявіла, што ў ноч на нядзелю ўзброеныя сілы Украіны атакавалі беспілотнымі катарамі карабель Чарнаморскага флоту «Прыазоўе», які забяспечваў бяспеку ў раёне газаправодаў «Турэцкі паток» і «Блакітны паток».
Па сцвярджэнні расійскіх вайскоўцаў, у нападзе прымалі ўдзел шэсць баявых катараў.
«Падчас адбіцця атакі ўсе катары былі знішчаныя агнём са штатнага ўзбраення расійскага карабля за 300 кіламетраў на паўднёвы ўсход ад Севастопаля. Пацярпелых няма. Карабель пашкоджанняў не атрымаў», — гаворыцца ў паведамленні Мінабароны РФ.
Украінскі бок інфармацыю пра напад на карабель «Прыазоўе» пакуль не каментаваў.
24 мая Мінабароны РФ заявіла, што карабель «Іван Хурс» атакавалі марскія беспілотнікі.
Цяпер чытаюць
Што Бабарыка і Калеснікава адказалі на пытанні пра вайну92
Каментары