У ізраільскай арміі назвалі ўмову, пры якой адменяць наземную аперацыю ў Газе
Наземная аперацыя ізраільскай арміі ў Газе можа быць адмененая толькі пры вызваленні ўсіх захопленых баевікамі ХАМАС закладнікаў, сказаў афіцыйны прадстаўнік Арміі абароны Ізраіля Джонатан Канрыкус аўстралійскаму ABC.
«Калі ХАМАС выйдзе з месцаў, дзе ён хаваецца, прыкрываючыся цывільнымі, верне нашых закладнікаў і здасца без умоў, тады вайна будзе скончаная», — сказаў Канрыкус.
Паводле яго, мэта гэтай вайны — ліквідаваць ХАМАС, каб ён больш ніколі не мог пагражаць ізраільцянам і не паўтарыў уварвання, якое здарылася 7 кастрычніка.
Паводле апошніх звестак ізраільскай арміі, у закладніках у баевікоў ХАМАС знаходзіцца 212 чалавек. У ЦАХАЛ адзначалі, што гэта лічба не канчатковая, многія яшчэ лічацца зніклымі без вестак.
У чацвер, 19 кастрычніка, міністр абароны Ізраіля Ёаў Галант, выступаючы перад арміяй, сказаў, што хутка яны атрымаюць загад увайсці на кантраляваную ХАМАС тэрыторыю. «Цяпер вы бачыце Газу здалёк, хутка вы ўбачыце яе знутры», — сказаў Галант.
ЗША ж, паводле інсайдаў медыя, папрасілі Ізраіль адкласці наземную аперацыю. У Белым доме лічаць, што гэта дазволіць правесці перамовы наконт вызвалення закладнікаў.
Цяпер чытаюць
Аляксандр Лукашэнка так ляснуўся на лёд на хакеі, што трыбуны замерлі ВІДЭА117
Аляксандр Лукашэнка так ляснуўся на лёд на хакеі, што трыбуны замерлі ВІДЭА
«Па-беларуску «Слана» Філіпенкі набывалі больш ахвотна, чым па-руску». Якія кнігі сёння ў топе? Інтэрв'ю з кіраўніцай выдавецтва Gutenberg Publisher55
Каментары
чужой территории" и и.п. можешь схлопотать ярлык врака народа или иностранного агента или срок тюремный аж до 20 лет. Это и есть путинская свобода слова ..