Сі: КНР мае намер працаваць з Францыяй для «вырашэння ўкраінскага крызісу»
Са слоў кітайскага лідара, ён «разумее стаўкі ўкраінскага крызісу для еўрапейцаў».
КНР мае намер працаваць з Францыяй і ўсёй міжнароднай супольнасцю над пошукам шляхоў «развязання ўкраінскага крызісу». Пра гэта ў сваёй калонцы для Le Figaro заявіў лідар Кітая Сі Цзіньпін, піша УНІАН.
Як вядома, лідар КНР прыбыў у Францыю з двухдзённым візітам. У прыватнасці, ён правядзе перамовы з прэзідэнтам Эмануэлем Макронам.
Кіраўнік КНР, сярод іншага, паабяцаў адкрыць кітайскія рынкі для заходніх кампаній, запэўніў, што разумее стаўкі ўкраінскага крызісу для еўрапейцаў і кажа, што адданы ўзаемнай павазе і мірнаму суіснаванню паміж дзяржавамі.
«Я маю вялікае задавальненне ажыццявіць свой трэці дзяржаўны візіт у Францыю па запрашэнні прэзідэнта Эмануэля Макрона. Для кітайцаў Францыя валодае непаўторным шармам. Гэта радзіма многіх вялікіх філосафаў, пісьменнікаў і мастакоў, якія натхнілі чалавецтва», — адзначыў Сі Цзіньпін.
Ён спадзяецца, што мір і стабільнасць хутка вернуцца ў Еўропу.
«Мы маем намер працаваць з Францыяй і ўсёй міжнароднай супольнасцю, каб знайсці правільныя шляхі вырашэння крызісу», — падкрэсліў лідар Кітая.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі15
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары