У берлінскай клініцы «Шарытэ» цалкам вылечылі другога пацыента з ВІЧ
Гэта сёмы ў гісторыі выпадак збавення ад ВІЧ, заявіла прэс-служба медустановы.
60-гадовы пацыент здаў станоўчы тэст на ВІЧ у 2009 годзе, у 2015-м у яго таксама дыягнаставалі востры міелоідны лейкоз.
Для лячэння лекары выкарыстоўвалі новы метад: не знайшоўшы донара з імунітэтам да ВІЧ, перасадзілі пацыенту ствалавыя клеткі чалавека з адной копіяй мутантнага гена замест дзвюх.
У 2018 годзе пацыент не захацеў працягваць антырэтравірусную тэрапію, пры гэтым ВІЧ у арганізме мужчыны да гэтага часу не выяўляецца, як і рак. Лекары мяркуюць, што трансплантаваныя клеткі знішчылі ВІЧ-інфікаваныя.
«Перыяд безвіруснага назірання, які складае больш за пяць гадоў, сведчыць пра тое, што вірус ВІЧ сапраўды можа быць цалкам выдалены з арганізма пацыента. Таму мы лічым, што ён вылечыўся ад ВІЧ-інфекцыі», — заявіў прафесар Олаф Пенак.
Першым у свеце чалавекам, які перамог ВІЧ, у 2008 годзе прызналі пацыента той жа клінікі «Шарытэ» Цімаці Рэя Браўна, які атрымаў мянушку «Берлінскі пацыент». У 2020 годзе Цімаці Рэй Браўн памёр з-за рэцыдыву лейкеміі.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3838
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі38
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4646
Каментары