Свет44

Іранскія хакеры пераслалі крадзеную інфармацыю са штаба Трампа ў штаб Байдэна — ФБР

Усё гэта адбывалася ў чэрвені і ліпені, да таго, як Байдэн зняў сваю кандыдатуру на выбарах, і на яго месца заступіла Камала Харыс.

Фота: Evan Vucci / AP

Іранскія хакеры скралі інфармацыю ў супрацоўнікаў выбарчага штабу Дональда Трампа і паслалі яе супрацоўнікам штабу Джо Байдэна. Пра гэта ў сераду заявілі ФБР і разведвальныя службы ЗША, піша Бі-бі-сі.

«[Хакеры] з уласнай ініцыятывы паслалі асобам, звязаным у той час з выбарчым штабам прэзідэнта Байдэна, імэйлы з вытрымкай са скрадзенага не прызначанага для публікі матэрыялу са штаба былога прэзідэнта Трампа», — гаворыцца ў супольнай заяве ФБР, офіса дырэктара Нацыянальнай разведкі ЗША і ўпраўлення кібербяспекі і бяспекі інфраструктуры ЗША.

Па наяўных у спецслужбаў даных, ніхто з супрацоўнікаў штаба Байдэна не адказаў на гэтыя лісты.

Усё гэта адбывалася ў чэрвені і ліпені гэтага года, да таго, як Байдэн зняў сваю кандыдатуру на выбарах, і на яго месца заступіла Камала Харыс.

У заяве таксама гаворыцца, што пачынаючы з чэрвеня іранцы дасылалі крадзеную ў штаба Трампа інфармацыю амерыканскай прэсе.

Афіцыйныя асобы ЗША яшчэ ў жніўні заявілі, што Іран перад лістападаўскімі выбарамі прэзідэнта спрабуе ўзмацніць разлад у ЗША і падарваць веру грамадзян у інстытуты дзяржавы. Паводле тых заяваў амерыканскіх уладаў, іранцы спрабавалі атрымаць прамы доступ да штабоў Рэспубліканскай і дэмакратычнай партый, ужываючы, у прыватнасці, метады «сацыяльнага інжынірынгу».

Прэс-сакратар выбарчага штаба Дональда Трампа Кэралайн Лівіт сказала, каментуючы заяву ФБР і разведкі, што яно даказвае, што Іран хоча дапамагчы Камале Харыс і Джо Байдэну.

«Бо яны ведаюць, што прэзідэнт Трамп верне жорсткія санкцыі і будзе супрацьстаяць іх тэрору», — сказала Лівіт.

Дональд Трамп у 2018 годзе, будучы прэзідэнтам, вывеў ЗША з заключанай трыма гадамі раней т.зв. «ядзернай угоды» з Тэгеранам і аднавіў амерыканскія санкцыі супраць Ірана.

Лівіт мяркуе, што Байдэн і Харыс павінны ў агульных рысах апісаць, што за матэрыял быў дасланы іх супрацоўнікам

Прэс-сакратар выбарчага штаба Камалы Харыс Морган Фінкельштэйн запэўнівае, што штаб супрацоўнічаў з праваахоўнымі органамі з таго самага моманту, як даведаўся пра ўзлом.

«Нам не вядома пра які-небудзь матэрыял, дасланы наўпрост штабу. Нешта, якое выглядала як спам або спроба фішынгу, было даслана на асабістыя імэйлы некалькім асобам», — сказала Фінкельштэйн.

Афіцыйны прадстаўнік місіі Ірана ў ААН, адказваючы на пытанне амерыканскай тэлекампаніі CBS аб заяве ФБР і разведак, заявіў: «Іран не мае ні матываў, ні намеру ўмешвацца ў выбары ў ЗША і катэгарычна адхіляе падобныя абвінавачванні».

Каментары4

  • не таталітарызму
    19.09.2024
    Васіль, ну дык у антытрампістаў слаба з логікай.
  • не папулізму і таталітарызму
    19.09.2024
    не таталітарызму, апраўдываць дзеянні трампа, базуючыся выключна на дзеяннях іранцаў, гэта логіка? 😂
  • Трамп - наша надзея
    19.09.2024
    Зразумела што Байдэн-Іран-Масква гэта адзінае цэлае!
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Былы беларускі ваяр суткі катаваў свайго сябра, а пасля забіў сябе5

Былы беларускі ваяр суткі катаваў свайго сябра, а пасля забіў сябе

Усе навіны →
Усе навіны

Аэрапорты Еўрасаюза будуць здымаць абмежаванні на вадкасці ў ручной паклажы

Ад 300 000 да 500 000 даляраў. Стала вядома, хто прывёз Джэйсана Дэрула ў Беларусь8

Стрыжак расказаў, што цяпер будзе з «Байсолам»20

Мужчына разбіў відэакамеру ў пад'ездзе, надзеўшы для маскіроўкі трусы на галаву8

Скандынавія прыцягвае беларуса: дальнабойшчык расказаў аб працы ў краі вікінгаў3

«Матрошкамі ўжо не здзівіш». У Расіі заклікалі стварыць свой аналаг Лабубу3

Вядучая «Марафону адзінства» ў падтрымку Лукашэнкі адпачывала ў Латвіі27

На поўначы Брэста працягвае смярдзець, улады заклікаюць «не панікаваць»2

Са Швецыі дэпартуюць яшчэ адну беларускую сям'ю11

больш чытаных навін
больш лайканых навін

Былы беларускі ваяр суткі катаваў свайго сябра, а пасля забіў сябе5

Былы беларускі ваяр суткі катаваў свайго сябра, а пасля забіў сябе

Галоўнае
Усе навіны →

Заўвага:

 

 

 

 

Закрыць Паведаміць