Трамп заявіў, што падпіша пагадненне з Зяленскім па здабычы карысных выкапняў
Прэзідэнт Украіны прыбудзе ў Вашынгтон сёння для перамоваў з Трампам.
Трамп заявіў, што падпіша пагадненне з Зяленскім па здабычы карысных выкапняў. Пра гэта прэзідэнт ЗША распавёў падчас сустрэчы з прэм'ерам Брытаніі Кірам Стармерам у Вашынгтоне, піша Голас Амерыкі.
Прэзідэнт ЗША Дональд Трамп пацвердзіў, што ў пятніцу падпіша пагадненне аб здабычы рэдказямельных мінералаў на сустрэчы з Уладзімірам Зяленскім. Прэзідэнт Украіны прыбудзе ў Вашынгтон сёння для перамоваў з Трампам.
Пра будучую сустрэчу з Зяленскім Трамп сказаў так: «Такім чынам, прэзідэнт Зяленскі прыедзе да мяне ў пятніцу, у пятніцу раніцай, і мы збіраемся падпісаць сапраўды вельмі важнае пагадненне для абодвух бакоў, бо яно сапраўды дапаможа нам атрымаць доступ да гэтай краіны. Мы будзем над гэтым працаваць. У нас будзе працаваць шмат людзей, і гэта вельмі добра. Гэта падтрымка. Я не думаю, што хто-небудзь будзе дурэць, калі ў нас там будзе шмат рабочых, якія будуць займацца рэдказямельнымі элементамі і іншымі рэчамі, якія патрэбныя нашай краіне. І мы гэта вельмі цэнім, і я з нецярпеннем чакаю сустрэчы з ім».
Дональд Трамп таксама заявіў, што чакае, што Уладзімір Пуцін стрымае сваё абяцанне, калі паміж Расіяй і Украінай будзе заключаны мір.
Спевака з «Марафону адзінства» асудзілі за палітыку — прыгадалі каментары 2020-га. Бараніць у суд яго хадзілі сёстры Груздзевы16
Каментары