Кітай абвясціў, што ўвядзе дадатковыя пошліны ў памеры 34% на імпарт з ЗША ў адказ на пошліны, пра якія заявіў прэзідэнт Дональд Трамп, гаворыцца ў паведамленні камісіі па тарыфах Дзяржсавета КНР. Гэтыя меры ўступяць у сілу 10 красавіка.
У ведамстве падкрэслілі, што дзеянні ЗША «не адпавядаюць правілам міжнароднага гандлю, наносяць сур’ёзную шкоду правам і інтарэсам Кітая і з’яўляюцца тыповым праяўленнем аднабаковага запалохвання».
«Кітай настойліва заклікае Злучаныя Штаты неадкладна адмяніць аднабаковыя тарыфныя меры і ўрэгуляваць гандлёвыя разыходжанні шляхам кансультацый на роўнапраўнай, паважлівай і ўзаемавыгаднай аснове», — гаворыцца ў паведамленні.
Тым часам цана чэрвеньскіх ф'ючарсаў на нафту Brent знізілася да $65 за бараль, сведчаць даныя таргоў лонданскай біржы ICE. У апошні раз нафта гандлявалася ніжэй за $65 за бараль у жніўні 2021 года.
Цяпер чытаюць
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары