Лукашэнка даручыў разабрацца з даўгабудамі, перадусім у «Мінск-Свеце»
Аляксандр Лукашэнка, прымаючы з дакладам старшыню Мінгарвыканкама Уладзіміра Кухарава, паставіў задачу разабрацца з даўгабудамі ў Мінску,піша БелТА.
Ён закрануў тэму жыллёвага будаўніцтва, нагадаўшы аб планах будаваць жыллё пераважна за межамі Мінска, «каб не збіраць людзей сюды, не ствараць праблем для мінчан».
«Як вы тут бачыце перспектывы?» — пацікавіўся Аляксандр Лукашэнка.
Таксама Лукашэнка звярнуў на праблему звышнарматыўных тэрмінаў будаўніцтва жылля.
«Гэта недапушчальна — даўгабуды, — падкрэсліў ён. — У вас іх 13, і з іх у «Мінск-Свеце| — 8. Гэта ўвогуле недапушчальна. Яны (кампанія, якая займаецца забудовай гэтага квартала) прыйшлі сюды працаваць, заключылі з намі інвестыцыйныя пагадненні, дамовы, узялі на сябе абавязацельствы. Хай выконваюць, калі хочуць тут працаваць».
Каментары