Тыкток запаланілі незвычайныя істоты: бамбардзіра-кракадзіла, балерына-капучына, тралалера-тралала… Што адбываецца?
Верагодна, усё пачалося з хадзячай трохногай акулы пад назвай «тралалера-тралала». Гэты вобраз, згенераваны штучным інтэлектам, з'явіўся ў тыктоку яшчэ ў студзені 2025-га, але тое відэа было выдалена.
Ідэю генераваць незразумелых жывёл падхапіў іншы тыктокер. У лютым 2025-га карыстальнік armenjiharhanjan апублікаваў у тыктоку відэа з незвычайнай жывёлай, згенераванай штучным інтэлектам. Гэты гібрыд кракадзіла і бамбардыроўшчыка тыктокер назваў «бамбардзіра-кракадзіла». Ролік суправаджаўся спрэчнай агучкай на італьянскай мове пра тое, што бамбардзіра-кракадзіла быццам бы лётае бамбіць дзяцей у Газе, не верыць у Алаха і любіць бомбы.
Відэа заляцела — на сёння яно мае больш за 21 мільён праглядаў. І з таго часу ў тыктоку пачалі з’яўляцца іншыя жывёлы, згенераваныя штучным інтэлектам.
Гэты трэнд назвалі «італьянскі брэйнрот». Італьянскі — таму што назвы жывёл нібыта падобныя да італьянская мовы, а брэйнрот — бо гэта слова, якім абазначаюць віртуальны кантэнт нізкай якасці, з англійскай brainrot перакладаецца як «гніенне мозга».
Такім чынам на свет з’явілася, напрыклад, балерына-капучына — гібрыд балерыны з кубкам кавы замест галавы. У роліку ніжэй яна з'яўляецца ў кампаніі хадзячай акулы тралалера-тралала:
Ёсць і менш папулярныя героі. Напрыклад, авакадзіні-антылапіні:
Ці зялёная лірылілірыла:
Брэнды не праходзяць міма новага трэнда. Напрыклад, авіякампанія Ryanair зрабіла некалькі тыкток-ролікаў у стылі італьянскага брэйнрота. І старых герояў выкарысталі, і прыдумалі новую гераіню — балерыну-планеічу:
«Наша Нiва» — бастыён беларушчыны
ПАДТРЫМАЦЬ
Каментары