Спецпрадстаўнік ЗША Кіт Келаг наведаў з візітам абаронныя прадпрыемствы, дзе распрацоўваюцца ўкраінскія дроны, і надзвычай высока ацаніў патэнцыял Украіны ў гэтай сферы. Пра гэта ён напісаў у сацсетцы X.
«Я на ўласныя вочы пабачыў, як вырабляюцца і распрацоўваюцца ўкраінскія беспілотнікі. Неверагодныя інавацыі», — напісаў Келаг.
Ён падкрэсліў, што Украіна лідзіруе ў гэтым новым тыпе вайны з выкарыстаннем БПЛА, і ЗША павінны звярнуць на гэта ўвагу.
«У гэтай новай эры, тыпе вайны яны лідзіруюць. Іх хуткасць інавацый і здольнасць да перапрацоўкі ўражваюць. Наша абаронна-прамысловая база павінна прыняць гэта да ўвагі і адаптавацца», — падкрэсліў Келог.
Раней прэзідэнт Уладзімір Зяленскі заявіў, што Злучаныя Штаты хочуць набываць дроны, вырабленыя ва Украіне. Паводле яго слоў, гэтае пытанне абмяркоўвалася падчас размовы з Дональдам Трампам.
Кіт Келаг прыехаў ва Украіну 14 ліпеня. Мяркуецца, што ён правядзе ў краіне некалькі дзён. Ва Украіне Келаг павінен атрымаць дадзеныя пра патэнцыял арміі РФ і перспектывы ўкраінскага войска.
-
Генерал Аляксееў, у якога сёння стралялі ў Маскве, датычны да катавання абаронцаў «Азоўсталі». Пракапенка: Справа будзе даведзена да канца
-
У Пецярбургу прафесара арыштавалі па абвінавачванні ў дзяржздрадзе, бо публікацыі магла чытаць нарвежская разведка
-
Лаўроў назваў замах на генерала Аляксеева спробай сарваць перамовы
Цяпер чытаюць
«На 15 хвілін выключылі святло — божа мой, з Украінай параўналі». Лукашэнка патлумачыў, колькі эканоміць на вулічным асвятленні25
Каментары