Прычынай пажару ў кватэры стала старая разетка, якой ніхто не карыстаўся
Гэты выпадак здарыўся ў маі. У адным з дамоў у Мінску здарыўся пажар.
Пры тушэнні пажару ў адным з пакояў знайшлі 79-гадовага мужчыну, яго шпіталізавалі. Агнём пашкоджана маёмасць у кватэры, закопчаны сцены пакояў.
Была прызначана судовая пажарна-тэхнічная экспертыза, паведамляе Дзяржкамітэт судовых экспертыз.
Эксперт прыйшоў да высновы, што непасрэднай прычынай узнікнення пажару стала разетка ў шафе, якой ніхто не карыстаўся, а менавіта вялікі пераходны супраціў або перагрузка па току.
Судовыя эксперты рэкамендуюць перыядычна праводзіць вонкавы агляд разетак, што знаходзяцца ў схаваных альбо цяжкадаступных месцах, звяртаючы ўвагу на наступныя прыкметы: пах гару, аплаўленне пластыка, сляды копаці і іскры.
Загаранне разеткі ў кватэры небяспечна, дадзеная сітуацыя патрабуе неадкладнага прыняцця мер. У першую чаргу неабходна абясточыць кватэру, адключыўшы аўтаматычны выключальнік у электрашчыце. Затым, калі загаранне невялікае, прыняць меры да тушэння з дапамогай вогнетушыцеля альбо шчыльнай тканіны, не ліць ваду на электраўстаноўкі пад напругай.
Пасля ў абавязковым парадку варта выклікаць пажарную службу і электрыка для праверкі стану электраправодкі і разетак.
Цяпер чытаюць
Як 25‑гадовы Алесь уратаваў ад знікнення калекцыю беларускіх экспанатаў. Ён нарадзіўся і вырас у Германіі, але гаворыць па-беларуску1
Каментары