Маладой вясковай настаўніцы з Мазыршчыны далі тры гады калоніі за палітыку
Яраславу Храмчанкову судзілі па справе Гаюна.
Яраславе Храмчанковай 28 гадоў. Яна родам з Рагачова. У нейкі момант дзяўчына пераехала ў Мазыр – імаверна, адразу пасля сканчэння ўніверсітэта.
У апошнія гады Яраслава працавала настаўніцай у вясковай школе. Яна выкладала нямецкую мову ў Майсееўскай базавай школе ў аднайменным невялікім аграгарадку. Была таксама педагогам-арганізатарам.
Дзяўчына любіць літаратуру. Яраслава захапляецца прыродай роднага краю. Любіць гуляць па ваколіцах горада, знаходзіць цікавыя ракурсы і мясціны ды фатаграфаваць. Таксама дзяўчына дапамагае жывёлам.
Яраславу затрымалі 23 красавіка 2024 года. У той жа дзень у ёй зрабілі ператрус.
«Вясна» пісала пра тое, што дзяўчына мае расійскае грамадзянства. Мы не здолелі гэта пацвердзіць — яе няма ні ў якіх расійскіх базах, у міліцэйскім спісе «экстрэмістаў» стаіць беларускае грамадзянства, а прозвішча пішацца з беларускай транслітарацыяй.
Яраславу Храмчанкову асудзілі 9 верасня 2025 года па абвінавачанні ў «садзейнічанні экстрэмісцкай дзейнасці» (ч. 1 і ч. 2 арт. 361‑4 КК), а таксама ў «дыскрэдытацыі Беларусі» (арт. 369-1». Прысуд — тры гады калоніі.
Па звестках «Вясны», пераслед дзяўчыны звязаны са справай Гаюна. Калі так, то вылічыць яе пасля зліву было проста: яе акаўнт у тэлеграме прывязаны да яе ўласнага нумара, якім яна карыстаецца больш за 10 гадоў.
«Наша Нiва» — бастыён беларушчыны
ПАДТРЫМАЦЬЦяпер чытаюць
Дачка суддзі, якая жыўцом згарэла ў судзе ў Слуцку ў 1967-м, расказала, як склалася жыццё іх сям’і пасля гучнай трагедыі7
Каментары
[Зрэдагавана]