Трамп, Пуцін, гомасэксуальныя кантакты і іншыя брудныя намёкі — у ЗША апублікавалі 20 тысяч файлаў Эпштэйна
Нядаўняя публікацыя часткі лістоў Эпштэйна запусціла вар'яцкія тэорыі пра сэксуальныя адносіны паміж Трампам і Білам Клінтанам.
12 лістапада ў ЗША апублікавалі 20 000 файлаў гвалтаўніка і сутэнёра Джэфры Эпштэйна. Сярод іх — дзясяткі лістоў, змест якіх вельмі непрыемны для прэзідэнта ЗША Дональда Трампа. У перапісцы з членамі сям'і, сябрамі і саўдзельнікамі Эпштэйн робіць пра Трампа даволі дзіўныя намёкі. Незразумела, гаворка ідзе пра сапраўдную кампраметуючую інфармацыю ці пра няўдалыя жарты, піша BILD.
У лютым 2017 года Эпштэйн піша электронны ліст былому міністру фінансаў Лары Самэрсу:
«Я сустракаў вельмі дрэнных людзей, але ніхто не настолькі дрэнны, як Трамп. Ніводнай прыстойнай клеткі няма ў яго целе…»
У 2018 годзе ў адным SMS асобе з схаваным у дакументах імем Эпштэйн кажа пра Трампа (тады ішоў яго першы прэзідэнцкі тэрмін):
«Я адзіны, хто можа яго зрынуць».
У іншым выпадку Эпштэйн перапісваецца са сваім братам Маркам у сакавіку 2018 года:
Марк: Як ты?
Джэфры: Усё добра. Бэнан у мяне.
Марк: Спытай яго, ці ёсць у Пуціна фатаграфіі Трампа, як ён робіць Бубе мінэт.
У сацсетках памнажаюцца здагадкі, пра каго гавораць Эпштэйны. З Бэнанам усё зразумела — гэта дарадца Трампа. А «Буба» (Bubba) — гэта ласкавае прозвішча для хлопчыкаў у размоўнай англійскай у ЗША.
А яшчэ так звалі экс-прэзідэнта Біла Клінтана, які таксама быў неяк звязаны з Эпштэйнам.
Марк Эпштэйн заявіў у Newsweek, што да Клінтана гэтае выказванне дачынення не мае, але раскрываць, каго ён меў на ўвазе, не стаў. А другога суразмоўцу — Джэфры Эпштэйна — спытаць ужо не атрымаецца, ён памёр у 2019 годзе ў турме.
Трамп таксама нічога не праясняе. Ён неаднаразова дыстанцыяваўся ад Эпштэйна, прамых доказаў яго дачынення да якіх-небудзь сэксуальных злачынстваў няма.
Цяпер чытаюць
Трамп запрасіў Лукашэнку ўвайсці ў Раду міру па Газе40
Каментары
Вар'ятскія тэорыі якія распаўсюджвае НН)
Калі гэта адбудзецца зноў, я ўпэўнена скажу, што мы жывем у сымуляцыі.