«Пажаўцелі скура і вочы». Жанчына з-пад Гродна атруцілася грыбамі
Жыхарка аграгарадка Путрышкі атруцілася смажанымі свінушкамі. Але па медыцынскую дапамогу пацярпелая звярнулася толькі праз тыдзень — пасля таго як у яе пажаўцелі вочы і скура. Жанчыну тэрмінова шпіталізавалі.
Пенсіянерка атруцілася свінушкамі — у народзе гэтыя грыбы таксама называюць «кабылкамі». Паводле слоў медыкаў, пацярпелая спачатку іх адварыла, а потым пасмажыла.
— На працягу тыдня ў жанчыны назіраліся агульная слабасць, ваніты, але па медыцынскую дапамогу яна не звярнулася, — распавялі ў эфіры тэлеканала «Беларусь 4. Гродна».
На працягу тыдня пенсіянерка займалася самалячэннем, а прычынай усё ж звярнуцца да дактароў сталі боль у жываце, пажаўцелая скура і вочы. Жанчыну тэрмінова шпіталізавалі. Рэч у тым, што таксін, які змяшчаецца ў грыбах, назапашваецца ў арганізме і разбурвае пячонку і ныркі.
Цяпер чытаюць
Бухі Ігар з Віцебска ўжо не ведае, як адбіцца ад падарункаў ад розных брэндаў. І ўжо звальняецца з завода26
Каментары