Цягнік №704 Мінск — Віцебск прыбудзе на станцыю Віцебск з затрымкай арыенціровачна ў 1 гадзіну 30 хвілін, паведаміла прэс-служба Беларускай чыгункі.
Фота ілюстрацыйнае
Паведамляецца, што цягнік, які адправіўся з Мінска ў адпаведнасці з графікам (у 15:05), па прычыне няспраўнасці дызель-цягніка быў спынены на перагоне Багушэўская (паміж Оршай і Віцебскам).
Беларуская чыгунка прымае аператыўныя меры для арганізацыі дастаўкі пасажыраў. Для аказання дапамогі на перагон накіраваны дапаможны лакаматыў.
Каментары