Члены журы аддалі спявачцы максімальныя 10 балаў, ад гледачоў яна таксама атрымала 10, піша «Суспільне».
Што вядома пра Leléka
Leléka — псеўданім украінскай спявачкі, аранжыроўшчыцы і кінакампазітаркі Вікторыі Лялека.
Нарадзілася яна ў горадзе Шахцёрскае на Днепрапятроўшчыне. Скончыла Нацыянальны ўніверсітэт тэатра, кіно і тэлебачання імя І. К. Карпенкі-Карага ў Кіеве; падчас навучання працавала акторкай у Маладым тэатры. У 2016 годзе пераехала ў Берлін, дзе заснавала этна-джазавы гурт Leléka, вывучала джазавы вакал у кансерваторыі Дрэздэна і пасля атрымала магістарскую адукацыю па кінакампазіцыі.
Паралельна развівае сольны арт-праект Donba₴grl, а ва Украіне таксама вядомая як аўтарка музыкі да серыяла «І будуць людзі».
Песня «Ridnym» распавядае пра ўнутраны стан змен, прыняцце страху і рух наперад у момант, калі звыклыя апоры знікаюць. У кампазіцыі спалучаюцца фолк-джазавыя элементы, арт-поп і электроннае гучанне, а таксама струнны аркестр і бандура.
Пра «Еўрабачанне-2026»
Юбілейны, 70‑ы песенны конкурс «Еўрабачанне» пройдзе ў Вене. Фінал запланаваны на 16 мая.
Удзел у спаборніцтве возьмуць 35 краін, 30 з якіх будуць змагацца ў паўфіналах.
Беларусь не будзе ўдзельнічаць у «Еўрабачанні-2026», паколькі Белтэлерадыёкампанія застаецца пад санкцыямі Еўрапейскага вяшчальнага саюза. У 2021 годзе краіну пазбавілі сяброўства ў арганізацыі праз парушэнні правоў чалавека і рэпрэсіі супраць медыя. Хоць першапачатковы тэрмін бана складаў тры гады, у 2024 годзе саюз зрабіў ізаляцыю бестэрміновай, заявіўшы, што сітуацыя са свабодай слова ў Беларусі не палепшылася.
Цяпер чытаюць
Чаму YouTube выдаліў каналы БелТА, СТБ і АНТ? Вось што вядома32
Каментары