У Расіі вынесены прысуд пасынку вядомага артыста — ён забіў родную бабулю і брата
Мужчына забіў малатком сваю 85‑гадовую бабулю і зарэзаў 30‑гадовага брата ў падмаскоўным доме тры гады таму.
Як піша канал «Осторожно, новости», Раман Ткачэнка, пасынак Стаса Наміна, прызнаны вінаватым у падвойным забойстве.
У кастрычніку 2023 года ён забіў бабулю малатком праз рэўнасць да малодшага брата Арцёма. Ён прыехаў да яе з сябрам, бабуля стала чытаць маралі, таму што яго брат «быў значна больш паспяховым», а сам мужчына быў залежны ад наркотыкаў.
Калі сябар з'ехаў, а бабуля заснула, Раман забіў жанчыну малатком. Пасля гэтага мужчына патэлефанаваў брату Арцёму і папрасіў яго прыехаць. Пасля працяглай пагоні па доме ён зарэзаў брата і патэлефанаваў маці, каб ва ўсім прызнацца.
Падчас спрэчак бакоў абарона абвінавачанага спрабавала даказаць, што ў момант забойства мужчына быў у стане афекту. Але пракуратура палічыла неабгрунтаванымі гэтыя довады.
Яго прысудзілі да 18 гадоў калоніі строгага рэжыму.
У апошнім слове прыёмны сын рок-музыкі каяўся: «Вялікае пакаранне ўсведамляць, што я гэта здзейсніў. Я шчыра любіў бабулю і Арцёма. Бабуля мяне выхавала. Я выхоўваў Арцёма. Не магу сабе ўявіць, як такое здарылася».
Пасля гэтага Ткачэнка ўпаў на калені перад маці і зарыдаў.
Адносіны падсуднага з айчымам — Стасам Наміным — заўсёды былі халоднымі, яны абодва гэта адзначалі. Вядомы рок-музыка праходзіць пацярпелым па справе, пішуць расійскія каналы.
Цяпер чытаюць
У міліцэйскім конкурсе прыгажосці перамагла амапаўка, якая ў 2020 годе разганяла пратэсты32
Каментары