Карпарацыя Pepsi распрацавала «першы ў свеце аналаг пластыкавай бутэлькі, зроблены выключна з раслінных матэрыялаў, якія падлягаюць перапрацоўцы».
Як гаворыцца ў паведамленні кампаніі, «бутэлька будучыні» складаецца з сельскагаспадарчых адкідаў: крупінак проса, хваёвай кары і кукурузнага шалупіння. Навукоўцы ўжо называюць адкрыццё Pepsi «канцом эры традыцыйных бутэлек з пластыка», піша газета Los Angeles Times.
Раслінная ёмістасць цалкам паўтарае малекулярны будынак пластмасавай. Галоўным адрозненнем інавацыйнай бутэлькі ад традыцыйнай стала адмова ад выкарыстання нафты пры яе вырабе. Распрацоўшчыкі Pepsi знайшлі ключ да вырашэння задачы: замест хімічных палімераў у склад матэрыялу, з якога ствараліся бутэлькі, былі дададзеныя арганічныя рэчывы — рэшткі зерня, кары і кукурузы.
Чальцы навуковага дэпартамента Pepsi не выключаюць, што ў будучыні бутэлькі будуць вырабляцца таксама з шалупіння апельсінаў і бульбы. Газета адзначае, што ўсе неабходныя для стварэння экалагічна чыстых бутэлек інгрэдыенты Pepsi бярэ з ўласнай вытворчасці.
За два гады да адкрыцця Pepsi аб вырабе інавацыйнай бутэлькі на аснове раслінных матэрыялаў абвяшчала
Аб неабходнасці пераходу на перапрацоўчую тару заяўлялі многія вядучыя кампаніі свету, у прыватнасці, найбуйнейшы ў свеце вытворца кетчупаў Heinz.
Цяпер чытаюць
Што Бабарыка і Калеснікава адказалі на пытанні пра вайну85
Каментары