Вечарам 27 верасня ў прыватнай кватэры ў Гомелі быў знойдзены труп 27-гадовага жыхара Кармянскага раёна. Загінуламу былі нанесены нажавыя раненні.
Як у праваахоўных органах, па падазрэнні ў забойстве адшукваецца жыхар Гомеля 1994 года нараджэння.
Гэта не адзінае злачынства ў вобласці за мінулыя суткі, ва ўчыненні якіх падазраюцца падлеткі. Паводле інфармацыі прэс-службы УУС Гомельскага аблвыканкама, распачата крымінальная справа ў дачыненні да вучня 11-га класа Пцічскай сярэдняй школы (Петрыкаўскі раён). Ён падазраецца ў тым, што 18 верасня ў парку вёскі Пціч з-за асабістых непрыязных адносін нанёс 19-гадоваму аднавяскоўцу нажавыя раненні ў грудную клетку, галаву і плячо. Пацярпелы дастаўлены ў бальніцу.
У Гомелі 20-гадовы навучэнец дарожна-будаўнічага каледжа напаў на вадзіцеля таксі, які яго падвозіў. Навучэнец накінуў на шыю вадзіцеля пятлю, спрабаваў завалодаць грашыма, але, сустрэўшы супраціўленне, уцёк. Яго асоба ўстаноўлена.
Каментары