Расійскі прэм’ер-міністр Дзмітрый Мядзведзеў заявіў, што Іосіф Сталін і іншыя савецкія кіраўнікі таго часу вартыя самай жорсткай ацэнкі, бо вялі вайну з уласным народам.
«За тое, што адбывалася тады, не толькі Іосіф Сталін, але і цэлы шэраг іншых кіраўнікоў, безумоўна, заслугоўваюць самай жорсткай ацэнкі. Іх немагчыма прыцягнуць да адказнасці, але гэта менавіта так», — заявіў Мядзведзеў у аўторак у горадзе Перм на сустрэчы з прадстаўнікамі рэгіянальнага аддзялення партыі «Адзіная Расія».
Ён заклікаў захаваць памяць аб тым, што здарылася, у аналах гісторыі для недапушчэння паўтарэння падобнага, назваўшы вайну са сваім народам «найцяжэйшым злачынствам».
Каментары