Скрадзены мабільнік даслаў гаспадару фота злодзея
Мабільны тэлефон, скрадзены ў брытанскім горадзе Колчэстэр, даслаў уласніку фота невядомага мужчыны.
Паліцыя графства Эсэкс цяпер шукае гэтага чалавека, каб пагутарыць з ім.
У чацвер вечарам студэнт шпацыраваў па адным з гарадскіх паркаў, калі з кішэні яго паліто выцягнулі тэлефон HTC.
Мабільнік быў наладжаны так, што аўтаматычна рабіў фота, калі ў яго ўводзяць няправільны пін-код.
Прадстаўнік паліцыі заявіў, што чалавек, які трымаў тэлефон, мог міжволі зрабіць «сэлфі», калі некалькі разоў запар паспрабаваў разблакаваць мабільнік.
Атрымаўшы па электроннай пошце фота, студэнт звярнуўся ў паліцыю.