Skradzieny mabilnik dasłaŭ haspadaru fota złodzieja
Mabilny telefon, skradzieny ŭ brytanskim horadzie Kołčester, dasłaŭ ułaśniku fota nieviadomaha mužčyny.
Palicyja hrafstva Eseks ciapier šukaje hetaha čałavieka, kab pahutaryć ź im.
U čaćvier viečaram student špacyravaŭ pa adnym z haradskich parkaŭ, kali z kišeni jaho palito vyciahnuli telefon HTC.
Mabilnik byŭ naładžany tak, što aŭtamatyčna rabiŭ fota, kali ŭ jaho ŭvodziać niapravilny pin-kod.
Pradstaŭnik palicyi zajaviŭ, što čałaviek, jaki trymaŭ telefon, moh mižvoli zrabić «sełfi», kali niekalki razoŭ zapar pasprabavaŭ razbłakavać mabilnik.
Atrymaŭšy pa elektronnaj pošcie fota, student źviarnuŭsia ŭ palicyju.