Пасольства Расіі ў Мінску: Мы не ў курсе затрымання Максіма Фінскага
«Мы не ў курсе, каб быў затрыманы чалавек з прозвішчам Фінскі», — паведаміў дарадца расійскага пасла ў Беларусі Уладзімір Марчукоў.
28 мая ў беларускіх і расійскіх СМІ паведамлялася, што грамадзянін Расіі Максім Фінскі быў затрыманы ў Нацыянальным аэрапорце Мінск і знаходзіцца ў следчым ізалятары КДБ. У дачыненні да яго заведзена крымінальная справа па ч. 4 арт. 159 КК Расіі (махлярства, здзейсненае арганізаванай групай альбо ў асабліва буйным памеры).