Сірыйскія паўстанцы заклікалі стварыць альянс супраць Расіі і Ірана
Адразу некалькі сірыйскіх апазіцыйных груп заклікалі краіны рэгіёну сфармаваць альянс, каб змагацца, як яны кажуць, з «расейска-іранскай акупацыяй Сірыі». Расію раней абвінавачвалі ва ўдарах па апазіцыі ў Сірыі.
У лік сірыйскіх арганізацый, якія заклікалі краіны рэгіёну змагацца з Расіяй і Іранам, уваходзіць арганізацыя «Ахрар аш-Шам» («Ісламскі рух свабодных людзей Шама») і некалькі паўстанцкіх арганізацый, якія дзейнічаюць пад эгідай Свабоднай арміі Сірыі, перадае Reuters.
Паўстанцы, як гаворыцца ў дакуменце, заяўляюць, што краінам рэгіёну неабходнае супрацоўніцтва для таго, каб супрацьстаяць «расейска-іранскай акупацыі Сірыі».