Siryjskija paŭstancy zaklikali stvaryć aljans suprać Rasii i Irana
Adrazu niekalki siryjskich apazicyjnych hrup zaklikali krainy rehijonu sfarmavać aljans, kab zmahacca, jak jany kažuć, z «rasiejska-iranskaj akupacyjaj Siryi». Rasiju raniej abvinavačvali va ŭdarach pa apazicyi ŭ Siryi.
U lik siryjskich arhanizacyj, jakija zaklikali krainy rehijonu zmahacca z Rasijaj i Iranam, uvachodzić arhanizacyja «Achrar aš-Šam» («Isłamski ruch svabodnych ludziej Šama») i niekalki paŭstanckich arhanizacyj, jakija dziejničajuć pad ehidaj Svabodnaj armii Siryi, pieradaje Reuters.
Paŭstancy, jak havorycca ŭ dakumiencie, zajaŭlajuć, što krainam rehijonu nieabchodnaje supracoŭnictva dla taho, kab supraćstajać «rasiejska-iranskaj akupacyi Siryi».