Расійскі неанацыст затрыманы за напад на бардэль: ён прымусіў прастытутак раздзецца і адвёў у паліцыю ФОТА
Расійскі неанацыст Вячаслаў Дацык, вядомы як «Руды Тарзан», напаў на бардэлі ў Санкт-Пецярбургу. Уначы ён разам з паплечнікам уварваўся ў публічны дом і адвёў голых прастытутак у паліцыю.
Спачатку Дацык са знаёмым атакавалі адзін з бардэляў на Васільеўскім востраве. Яны выламалі дзверы ў памяшканне і, пагражаючы манціроўкай, запатрабавалі ад супрацоўніц гэтай установы зняць адзенне. У такім выглядзе дзяўчат вывелі на вуліцу і прымусілі прайсці ў паліцэйскі пастарунак.
Пасля гэтага «Руды Тарзан» паспрабаваў здзейсніць аналагічны напад на іншы бардэль. Аднак там ён пацярпеў няўдачу. Ахоўнікі далі адпор Дацыку, у выніку чаго ён сам апынуўся ў паліцыі.
У дачыненні да неанацыста, імаверна, будзе распачата крымінальная справа аб хуліганстве і наўмысным пашкоджанні маёмасці.
* * *