Rasijski nieanacyst zatrymany za napad na bardel: jon prymusiŭ prastytutak raździecca i advioŭ u palicyju FOTA
Rasijski nieanacyst Viačasłaŭ Dacyk, viadomy jak «Rudy Tarzan», napaŭ na bardeli ŭ Sankt-Pieciarburhu. Unačy jon razam z paplečnikam uvarvaŭsia ŭ publičny dom i advioŭ hołych prastytutak u palicyju.
Spačatku Dacyk sa znajomym atakavali adzin z bardelaŭ na Vasiljeŭskim vostravie. Jany vyłamali dźviery ŭ pamiaškańnie i, pahražajučy manciroŭkaj, zapatrabavali ad supracoŭnic hetaj ustanovy źniać adzieńnie. U takim vyhladzie dziaŭčat vyvieli na vulicu i prymusili prajści ŭ palicejski pastarunak.
Paśla hetaha «Rudy Tarzan» pasprabavaŭ ździejśnić anałahičny napad na inšy bardel. Adnak tam jon paciarpieŭ niaŭdaču. Achoŭniki dali adpor Dacyku, u vyniku čaho jon sam apynuŭsia ŭ palicyi.
U dačynieńni da nieanacysta, imavierna, budzie raspačata kryminalnaja sprava ab chulihanstvie i naŭmysnym paškodžańni majomaści.
* * *