Апошняга расійскага ліберальнага губернатара затрымалі пры атрыманні велізарнага хабару
Губернатар Кіраўскай вобласці Мікіта Белых быў затрыманы ў ходзе аператыўнага эксперыменту, падчас якога яму перадалі пазначаныя спецыяльным растворам купюры па 100 еўра. Пра гэта паведамляе ТАСС са спасылкай на крыніцу ў праваахоўных органах.
Фота СК РФ
Паводле дадзеных крыніцы агенцтва «Інтэрфакс», губернатара затрымалі пры перадачы другой часткі хабару, першую яе частку Белых атрымаў раней праз пасярэдніка. Агульная сума хабару — 400 тысяч еўра.
Каментароў ад прадстаўнікоў Мікіты Белых з нагоды яго затрымання пакуль не паступала.
Пра затрыманьне Мікіты Белых раней афіцыйна паведаміў Следчы камітэт РФ. Супраць губернатара распачатая крымінальная справа па артыкуле аб атрыманні хабару ў асабліва буйным памеры. Гэты артыкул прадугледжвае пакаранне ў выглядзе пазбаўлення волі на тэрмін ад васьмі да 15 гадоў.
Мікіта Белых займае пасаду губернатара Кіраўскай вобласці з 2009 года. У 2005-2008 гадах ён узначальваў партыю «Саюз правых сіл».