Apošniaha rasijskaha libieralnaha hubiernatara zatrymali pry atrymańni vielizarnaha chabaru
Hubiernatar Kiraŭskaj vobłaści Mikita Biełych byŭ zatrymany ŭ chodzie apieratyŭnaha ekśpierymientu, padčas jakoha jamu pieradali paznačanyja śpiecyjalnym rastvoram kupiury pa 100 jeŭra. Pra heta paviedamlaje TASS sa spasyłkaj na krynicu ŭ pravaachoŭnych orhanach.
Fota SK RF
Pavodle dadzienych krynicy ahienctva «Interfaks», hubiernatara zatrymali pry pieradačy druhoj častki chabaru, pieršuju jaje častku Biełych atrymaŭ raniej praz pasiarednika. Ahulnaja suma chabaru — 400 tysiač jeŭra.
Kamientaroŭ ad pradstaŭnikoŭ Mikity Biełych z nahody jaho zatrymańnia pakul nie pastupała.
Pra zatrymańnie Mikity Biełych raniej aficyjna paviedamiŭ Śledčy kamitet RF. Suprać hubiernatara raspačataja kryminalnaja sprava pa artykule ab atrymańni chabaru ŭ asabliva bujnym pamiery. Hety artykuł praduhledžvaje pakarańnie ŭ vyhladzie pazbaŭleńnia voli na termin ad vaśmi da 15 hadoŭ.
Mikita Biełych zajmaje pasadu hubiernatara Kiraŭskaj vobłaści z 2009 hoda. U 2005-2008 hadach jon uznačalvaŭ partyju «Sajuz pravych sił».