У Мінску грузавік насмерць збіў маладую веласіпедыстку, якая праязджала праз пераход
Дзяўчына, па словах відавочцаў, перасякала праезную частку ў раёне пешаходнага пераходу наўскасяк. МАЗ наехаў на яе, калі паварочваў направа.
— Дзяўчына — па словах медыкаў, ёй не больш за 25 гадоў, асоба пакуль не ўстаноўлена, — пераязджала вуліцу Чыгуначную. Відавочцы кажуць, што рабіла яна гэта пад вуглом да пераходу. На які сігнал святлафора рухалася веласіпедыстка, яшчэ трэба будзе ўстанавіць следству, — распавяла прадстаўнік ДАІ Маскоўскага раёна Мінска Любоў Трапашка.
Наезд здзейсніў 54-гадовы кіроўца МАЗа — мужчына паварочваў направа са Шчорса і, паводле яго слоў, веласіпедыстку не бачыў. Як паведамляе з месца карэспандэнт TUT.BY, кіроўца грузавіка ў шоку ад таго, што адбылося.
На Чыгуначнай утварыўся вялізны затор — там працуе следча-аператыўная група.