U Minsku hruzavik naśmierć źbiŭ maładuju viełasipiedystku, jakaja prajazdžała praź pierachod
Dziaŭčyna, pa słovach vidavočcaŭ, pierasiakała prajeznuju častku ŭ rajonie piešachodnaha pierachodu naŭskasiak. MAZ najechaŭ na jaje, kali pavaročvaŭ naprava.
— Dziaŭčyna — pa słovach miedykaŭ, joj nie bolš za 25 hadoŭ, asoba pakul nie ŭstanoŭlena, — pierajazdžała vulicu Čyhunačnuju. Vidavočcy kažuć, što rabiła jana heta pad vuhłom da pierachodu. Na jaki sihnał śviatłafora ruchałasia viełasipiedystka, jašče treba budzie ŭstanavić śledstvu, — raspaviała pradstaŭnik DAI Maskoŭskaha rajona Minska Luboŭ Trapaška.
Najezd ździejśniŭ 54-hadovy kiroŭca MAZa — mužčyna pavaročvaŭ naprava sa Ščorsa i, pavodle jaho słoŭ, viełasipiedystku nie bačyŭ. Jak paviedamlaje ź miesca karespandent TUT.BY, kiroŭca hruzavika ŭ šoku ad taho, što adbyłosia.
Na Čyhunačnaj utvaryŭsia vializny zator — tam pracuje śledča-apieratyŭnaja hrupa.