Чарговы афіцэр расійскага спецназа загінуў у Сірыі
Выбухам міны быў цяжка паранены і потым памёр у шпіталі афіцэр спецназа Галоўнага разведвальнага ўпраўлення Генштаба РФ Сяргей Пячальнаў.
Пра гэта паведаміла невялікая расійская газета «Раднікоўскі праспект». Горад Раднікі — малая радзіма Пячальнава.
rpnews.ru
Згодна з артыкулам, яшчэ летам 2016 года група з чатырох вайскоўцаў РФ падарвалася на міне. Адзін чалавек загінуў. Пячальнаў і яшчэ адзін былі цяжка параненыя. Абодва памерлі ўжо ў маскоўскім шпіталі.
Імя яшчэ аднаго забітага расіяніна невядомае. Лік афіцыйна прызнаных страт РФ у Сірыі — 14 чалавек.
Мінабароны РФ пакуль не каментуе інфармацыю пра гібель Пячальнава.