Čarhovy aficer rasijskaha śpiecnaza zahinuŭ u Siryi
Vybucham miny byŭ ciažka paranieny i potym pamior u špitali aficer śpiecnaza Hałoŭnaha raźviedvalnaha ŭpraŭleńnia Hienštaba RF Siarhiej Piačalnaŭ.
Pra heta paviedamiła nievialikaja rasijskaja hazieta «Radnikoŭski praśpiekt». Horad Radniki — małaja radzima Piačalnava.
rpnews.ru
Zhodna z artykułam, jašče letam 2016 hoda hrupa z čatyroch vajskoŭcaŭ RF padarvałasia na minie. Adzin čałaviek zahinuŭ. Piačalnaŭ i jašče adzin byli ciažka paranienyja. Abodva pamierli ŭžo ŭ maskoŭskim špitali.
Imia jašče adnaho zabitaha rasijanina nieviadomaje. Lik aficyjna pryznanych strat RF u Siryi — 14 čałaviek.
Minabarony RF pakul nie kamientuje infarmacyju pra hibiel Piačalnava.