Былы прэзідэнт Ірана Рафсанджані памёр ва ўзросце 82 гадоў
Былы прэзідэнт Ірана Алі Акбар Хашэмі Рафсанджані, які быў адным з вядучых палітыкаў краіны ў 1980-1990-я гады, памёр ва ўзросце 82 гадоў, паведамляе BBC.
Рафсанджані быў выведзены з прэзідэнцкай гонкі ў 2013 годзе. Фота EPA.
Па паведамленнях іранскіх сродкаў інфармацыі, ён памёр у выніку інфаркту.
Ён займаў пасаду прэзідэнта з 1989 па 1997 год, але затым прайграў на выбарах 2005 года Махмуду Ахмадзінежаду.
Хоць Рафсанджані быў звязаны з клерыкальнымі коламі, ён лічыўся кансерватыўным прагматыкам, які быў гатовы паляпшаць адносіны з Захадам.
У канцы свайго жыцця ён быў кіраўніком Савета па вызначэнні палітычнай мэтазгоднасці, які вырашае спрэчкі паміж Меджлісам (аднапалатным парламентам Ірана) і Саветам вартаўнікоў канстытуцыі (адмысловым надпарламенцкім органам улады, аналагічным па функцыях канстытуцыйнаму суду).