Były prezident Irana Rafsandžani pamior va ŭzroście 82 hadoŭ
Były prezident Irana Ali Akbar Chašemi Rafsandžani, jaki byŭ adnym ź viadučych palitykaŭ krainy ŭ 1980-1990-ja hady, pamior va ŭzroście 82 hadoŭ, paviedamlaje BBC.
Rafsandžani byŭ vyviedzieny z prezidenckaj honki ŭ 2013 hodzie. Fota EPA.
Pa paviedamleńniach iranskich srodkaŭ infarmacyi, jon pamior u vyniku infarktu.
Jon zajmaŭ pasadu prezidenta z 1989 pa 1997 hod, ale zatym prajhraŭ na vybarach 2005 hoda Machmudu Achmadziniežadu.
Choć Rafsandžani byŭ źviazany z klerykalnymi kołami, jon ličyŭsia kansiervatyŭnym prahmatykam, jaki byŭ hatovy palapšać adnosiny z Zachadam.
U kancy svajho žyćcia jon byŭ kiraŭnikom Savieta pa vyznačeńni palityčnaj metazhodnaści, jaki vyrašaje sprečki pamiž Miedžlisam (adnapałatnym parłamientam Irana) i Savietam vartaŭnikoŭ kanstytucyi (admysłovym nadparłamienckim orhanam ułady, anałahičnym pa funkcyjach kanstytucyjnamu sudu).