Некаторыя віды цыгарэт падаражэюць з 1 сакавіка
Некаторыя віды цыгарэт падаражэюць у Беларусі з 1 сакавіка, паведамілі БЕЛТА ў прэс-службе Міністэрства па падатках і зборах.
Падаражанне закране прадукцыю ААТ «Гродзенская тытунёвая фабрыка «Нёман». Цыгарэты Pall Mall Red вырастуць у цане на 5 капеек. На 9 капеек падаражэюць некаторыя віды цыгарэт Cooper, на 2 капейкі стануць даражэйшыя асобныя віды цыгарэт Oscar.
Прадукцыя ТАА «Тытунь-Інвест» не зменіцца ў цане.
Імпартныя цыгарэты таксама не падаражэюць.
Беларускія вытворцы і імпарцёры цыгарэт маюць права штомесяц дэклараваць максімальныя рознічныя цэны на тытунёвыя вырабы.