Niekatoryja vidy cyharet padaražejuć z 1 sakavika
Niekatoryja vidy cyharet padaražejuć u Biełarusi z 1 sakavika, paviedamili BIEŁTA ŭ pres-słužbie Ministerstva pa padatkach i zborach.
Padaražańnie zakranie pradukcyju AAT «Hrodzienskaja tytuniovaja fabryka «Nioman». Cyharety Pall Mall Red vyrastuć u canie na 5 kapiejek. Na 9 kapiejek padaražejuć niekatoryja vidy cyharet Cooper, na 2 kapiejki stanuć daražejšyja asobnyja vidy cyharet Oscar.
Pradukcyja TAA «Tytuń-Inviest» nie źmienicca ŭ canie.
Impartnyja cyharety taksama nie padaražejuć.
Biełaruskija vytvorcy i imparciory cyharet majuć prava štomiesiac dekłaravać maksimalnyja roźničnyja ceny na tytuniovyja vyraby.