Карпенка атрымаў вымову ад Лукашэнкі і цяпер прапануе абмежаваць мабільнікі ў школах
Міністр адукацыі Ігар Карпенка прапануе налажыць шэраг абмежаванняў на школьнікаў: у прыватнасці, скараціць выкарыстанне мабільных тэлефонаў і ўвесці пералік забароненых прадметаў i рэчываў, паведамляе БелТА.
Фота: pixabay.
Лукашэнка аб'явіў вымову міністру адукацыі Карпенку
«На базе рэспубліканскага цэнтра псіхалагічнай дапамогі будзе арганізавана анлайн кругласутачнае аказанне экстраннай псіхалагічнай дапамогі дзецям, а таксама кансультаванне бацькоў. Будзе праводзіцца дыстанцыйнае кругласутачнае кансультаванне педагогаў-псіхолагаў па пытаннях аказання дапамогі ўдзельнікам адукацыйнага працэсу», — праінфармаваў Ігар Карпенка.
Акрамя гэтага, Мінадукацыі сумесна з МНС, МУС, Міністэрствам абароны і іншымі ведамствамі прыступіць да распрацоўкі тыпавога палажэння аб забеспячэнні бяспекі навучэнцаў.
«Лічым таксама правільным зацвердзіць пералік прадметаў i рэчываў, забароненых да захоўвання і выкарыстання навучэнцамі, увядзенне абмежавання права карыстання сродкамі мабільнай сувязі ва ўстановах адукацыі, а таксама іншыя меры бяспекі», — дадаў Ігар Карпенка.