Karpienka atrymaŭ vymovu ad Łukašenki i ciapier prapanuje abmiežavać mabilniki ŭ škołach
Ministr adukacyi Ihar Karpienka prapanuje nałažyć šerah abmiežavańniaŭ na školnikaŭ: u pryvatnaści, skaracić vykarystańnie mabilnych telefonaŭ i ŭvieści pieralik zabaronienych pradmietaŭ i rečyvaŭ, paviedamlaje BiełTA.
Fota: pixabay.
Łukašenka abjaviŭ vymovu ministru adukacyi Karpienku
«Na bazie respublikanskaha centra psichałahičnaj dapamohi budzie arhanizavana anłajn kruhłasutačnaje akazańnie ekstrannaj psichałahičnaj dapamohi dzieciam, a taksama kansultavańnie baćkoŭ. Budzie pravodzicca dystancyjnaje kruhłasutačnaje kansultavańnie piedahohaŭ-psichołahaŭ pa pytańniach akazańnia dapamohi ŭdzielnikam adukacyjnaha pracesu», — prainfarmavaŭ Ihar Karpienka.
Akramia hetaha, Minadukacyi sumiesna z MNS, MUS, Ministerstvam abarony i inšymi viedamstvami prystupić da raspracoŭki typavoha pałažeńnia ab zabieśpiačeńni biaśpieki navučencaŭ.
«Ličym taksama pravilnym zaćvierdzić pieralik pradmietaŭ i rečyvaŭ, zabaronienych da zachoŭvańnia i vykarystańnia navučencami, uviadzieńnie abmiežavańnia prava karystańnia srodkami mabilnaj suviazi va ŭstanovach adukacyi, a taksama inšyja miery biaśpieki», — dadaŭ Ihar Karpienka.