У Бабруйску знайшлі целы мужа і жонкі. Падазраюць забойства і суіцыд
Здарэнне адбылося ў завулку Чайкоўскага, там быў знойдзены труп жанчыны, а мужчына вісеў у пятлі, паведамляе Камерцыйны кур'ер.
Высветлілася, што жанчына — дырэктарка сталовай. Яе работнікі 1 лістапада некалькі гадзін чакалі, пакуль яна прыйдзе на працу. Але жанчына ўсё не з'яўлялася. Тады і забілі трывогу. Па месцы жыхарства прыбыла міліцыя, якая і выявіла трупы.
Як распавяла «Камерцыйнаму кур'еру» афіцыйны прадстаўнік СК Юлія Ганчарова, каля 5.30 раніцы паміж мужам і жонкай адбыўся канфлікт, мужчына нанёс сваёй 61-гадовай жонцы цялесныя пашкоджанні. Пасля чаго пакончыў з сабой.