U Babrujsku znajšli cieły muža i žonki. Padazrajuć zabojstva i suicyd
Zdareńnie adbyłosia ŭ zavułku Čajkoŭskaha, tam byŭ znojdzieny trup žančyny, a mužčyna visieŭ u piatli, paviedamlaje Kamiercyjny kurjer.
Vyśvietliłasia, što žančyna — dyrektarka stałovaj. Jaje rabotniki 1 listapada niekalki hadzin čakali, pakul jana pryjdzie na pracu. Ale žančyna ŭsio nie źjaŭlałasia. Tady i zabili tryvohu. Pa miescy žycharstva prybyła milicyja, jakaja i vyjaviła trupy.
Jak raspaviała «Kamiercyjnamu kurjeru» aficyjny pradstaŭnik SK Julija Hančarova, kala 5.30 ranicy pamiž mužam i žonkaj adbyŭsia kanflikt, mužčyna nanios svajoj 61-hadovaj žoncy cialesnyja paškodžańni. Paśla čaho pakončyŭ z saboj.