Кіраўнік МЗС Латвіі: Патрабаванне аб экстрадыцыі Цапкалы павінна быць адхілена
Міністр замежных спраў Латвіі Эдгарс Рынкевічс заявіў, што запыт на экстрадыцыю экс-прэтэндэнта на пасаду прэзідэнта Валерыя Цапкала павінен быць адхілены. Пра гэта ён паведаміў у Twitter, піша Tut.by.
Кіраўнік МЗС Латвіі таксама лічыць, што разглядае «запыт рэжыму Лукашэнкі аб экстрадыцыі беларускага апазіцыйнага палітыка як адкрытую спробу помсты».
Пры гэтым ён адзначыў, што ў адпаведнасці з латвійскім заканадаўствам рашэнне прымаецца кампетэнтнымі праваахоўнымі органамі, улічваючы ўсе аспекты справы.
Нагадаем, Следчы камітэт накіраваў у Генпракуратуру дакументы аб ініцыяванні пытання перад Латвіяй аб экстрадыцыі экс-кіраўніка ПВТ і ўдзельніка перадвыбарнай прэзідэнцкай кампаніі Валерыя Цапкалы, паведамілі ў эфіры тэлеканала «Беларусь 1» 8 лютага. У паведамленні сказана, што яго абвінавачваюць «па шэрагу карупцыйных злачынстваў і атрыманні хабараў у асабліва буйным памеры».