Kiraŭnik MZS Łatvii: Patrabavańnie ab ekstradycyi Capkały pavinna być adchilena
Ministr zamiežnych spraŭ Łatvii Edhars Rynkievičs zajaviŭ, što zapyt na ekstradycyju eks-pretendenta na pasadu prezidenta Valeryja Capkała pavinien być adchileny. Pra heta jon paviedamiŭ u Twitter, piša Tut.by.
Kiraŭnik MZS Łatvii taksama ličyć, što razhladaje «zapyt režymu Łukašenki ab ekstradycyi biełaruskaha apazicyjnaha palityka jak adkrytuju sprobu pomsty».
Pry hetym jon adznačyŭ, što ŭ adpaviednaści z łatvijskim zakanadaŭstvam rašeńnie prymajecca kampietentnymi pravaachoŭnymi orhanami, uličvajučy ŭsie aśpiekty spravy.
Nahadajem, Śledčy kamitet nakiravaŭ u Hienprakuraturu dakumienty ab inicyjavańni pytańnia pierad Łatvijaj ab ekstradycyi eks-kiraŭnika PVT i ŭdzielnika pieradvybarnaj prezidenckaj kampanii Valeryja Capkały, paviedamili ŭ efiry telekanała «Biełaruś 1» 8 lutaha. U paviedamleńni skazana, što jaho abvinavačvajuć «pa šerahu karupcyjnych złačynstvaŭ i atrymańni chabaraŭ u asabliva bujnym pamiery».