Пратакол на рэдактара Hrodna.life за рэпост «экстрэмісцкага» тэлеграм-канала адправілі ў суд
Ленінскі РАУС Гродна рыхтуе да перадачы ў суд адміністратыўны пратакол у дачыненні галоўнага рэдактара гродзенскага інфармацыйнага партала Hrodna.life Аляксея Шоты. Журналіста выклікалі ў РАУС для правядзення апытання, паведамляе БАЖ.
hrodna.life
Там яму выдалі копію пратакола аб адміністрацыйным парушэнні, прадугледжаным ч. 2 арт. 17.11 КаАП — распаўсюд інфармацыйнай прадукцыі, уключанай у рэспубліканскі спіс экстрэмісцкіх матэрыялаў.
З дакумента вынікае, што пратакол яшчэ 1 лютага склаў начальнік аддзела аховы правапарадку і прафілактыкі Ленінскага РАУС Гродна, маёр міліцыі Аляксей Вайцешка.
Рэдактара абвіначваюць у захаванні з мэтай распаўсюду і распаўсюдзе матэрыялаў тэлеграм-канала, які восенню быў прызнаны экстрэмісцкім.